თქვენგან მიღებული თანხები მიემართება სსიპ ეროვნული სატყეო სააგენტოს სახელმწიფო ხაზინის ანგარიშზე და გამოიყენება მხოლოდ თქვენს მიერ არჩეული პროექტის დაფინანსებისთვის. იმ შემთხვევაში, თუ შემოწირულობის გაკეთების ეტაპზე, უკვე შეგროვებულია თქვენს მიერ შერჩეული პროექტის განხორციელებისთვის საჭირო თანხა, ან/და პროექტის განხორციელებისას მოხდა თანხების დაზოგვა, თქვენი შემოწირულობა ან/და დაზოგილი თანხები მიემართება „ტყის მეგობრის“ ვებგვერდზე განთავსებული სხვა პროექტის დაფინანსებაზე.

ტყის აღდგენის პროექტის განხორციელება იწყება პროექტით განსაზღვრული თანხის სრულად შეგროვების შემდეგ.

ეროვნული სატყეო სააგენტო ტყის აღდგენის პროექტის განხორციელებისათვის მომსახურების შესყიდვის გზით უზრუნველყოფს პროექტით გათვალისწინებული მასალების (მაგ. შესაღობი მასალა, ნერგი და სხვა) შეძენას, მომსახურების შესყიდვის ან/და ხელშეკრულების საფუძველზე უზრუნველყოფს სამუშაოებისათვის საჭირო ტექნიკისა და მუშა-ხელის დაქირავებას. სააგენტო უპირატესობას ანიჭებს ადგილობრივი მოსახლეობის დასაქმებას, ხოლო, სამუშაოები სრულად ხორციელდება მეტყევე-სპეციალისტების ზედამხედველობით.

გამჭვირვალობის უზრუნველსაყოფად, კონკრეტული ტყის აღდგენის პროექტის განხორციელების შესახებ ანგარიში (მ.შ ფინანსური ანგარიში) გამოქვეყნდება www.forestfriend.ge -ზე, ასევე, მოგეწოდებათ მოთხოვნისთანავე.

რეგისტრაციის შესახებ ინფორმაცია ახლდება დღეში ერთხელ.

გადახდებთან დაკავშირებული შეფერხების ან/და კითხვების შემთხვევაში დაგვიკავშირდით: info@forestry.gov.ge